الفنانة ماجدة مراد : فايزة كمال كانت ملاك ما يتعوضش.. ربنا يرحمها

كتب : إسماعيل حلمى

ذكرت الفنانه ماجده منير : فايزة حبيبتي الله يرحمها، مرات أخويا كانت غالية عليا أوي، وصديقة عمري، وكنا قريبين من بعض جدًا. كانت زي الملاك، وكانت كريمة وطيبة بشكل كبير، وبيتها مفتوح طول الوقت. لدرجة إني كنت بلومها وأقول لها: يا فايزة، الأكل اللي إنتي عملاه ده كتير أوي، فترد عليا: لأ، مش كتير، كلوه بالهنا والشفا.

ورحيلها وهي عندها 52 سنة كان صدمة، لأنها سابت طفلين صغيرين، ليلى ويوسف، وكانت شايلة أسرتها على كل المستويات. فقدانها كان خسارة كبيرة، خصوصًا إنها عانت كتير مع مرض السرطان، اللي هاجمها مرتين، وتوفت بعد المرة التانية.

وأنا فاكرة لما كنا أنا ومراد عندها في المستشفى، فقال لها: يلا يا فايزة قومي، عايز أخدك ننزل نجيب لك شوية فساتين وحاجات تروّشي نفسك بيها. فقالت له: أنا عايزة مدفن. نزلنا أنا وهو ورحنا منطقة 6 أكتوبر ودورنا واشترينا، ولما رجعنا قلنا لها إننا نفذنا طلبها، فقالت لنا: طب خدوا بالكم من الولاد.

ولقد أخدت وقت طويل عشان أتجاوز فقدانها، خصوصًا إن زوجها وأولادها موجودين في حياتنا، وده كان بيخلّي إحساس الفقد مستمر طول الوقت. وقعدت فترة طويلة معاهم في البيت بعد رحيلها.

وفايزة كانت ملاك ما يتعوضش.. ربنا يرحمها .

About The Author

ismail helmy

See author's posts