حمزة الجمل: أنا بشكر اللاعبين ومجلس الإدارة على المجهود والدعم وأنا لست عقده للزمالك لأنه كبير واسفى على الأندية الجماهيرية

كتب : عبدالحميد عيد 

صرح الكابتن حمزة الجمل المدير الفني لنادي الاتحاد السكندري في المؤتمر الصحفي بعد مباراة الزمالك .

أنا بشكر كل اللاعبين اللي شاركوا النهارده، بذلوا جهد كبير، وبشكر كل اللاعبين حتى اللي ما شاركوش، وكل الأجهزة اللي معايا، لأننا بنكون فريق جديد

وايضا إحنا كان عندنا 13 إعارة ولاعيبة تحت السن، وتكوين فريق جديد في الموسم الحالي بيبقى صعب جدًا.

كما اوجه الشكر لرئيس نادي الاتحاد على توفيره كل الدعم .

ونحن لا ننسى أننا بنلاعب نادي كبير وعريق وبطل الدوري المصري والمشارك في إفريقيا، آه حصله ظروف صعبة الفترة اللي فاتت، لكنه قادر على النهوض من جديد .

وأنا واثق بأن الأندية الكبيرة هتنهض، وأنا حزين أيضا بالنسبة الأندية الجماهيرية واتمنى إنها تنهض من جديد .

وبسؤالى هل أصبحت عقدة لنادي الزمالك 3 مباريات على التوالي مش عارفين يكسبوني؟ نادي الزمالك نادي كبير جدًا، ومفيش حاجة اسمها عقدة نهائي

نادي الزمالك بيحتاج تركيز كبير، وبتلاعبه على أرضه وسط جماهيره، فبيكون فيه تركيز أكتر، سواء هو أو الأهلي أو الأندية الكبيرة

وإحنا اشتغلنا على عنصر مهم، وهو الشق البدني، وإننا نحاول نمشي المباراة أول 40 دقيقة، والشوط الثاني نعمل تغييرات. إحنا برضه بنكون لسه فريق جديد، وهما بذلوا جهد كبير جدًا سواء في الشوط الأول أو الثاني .

About The Author

ismail helmy

See author's posts