بيزيرا الزمالك بين مطرقة أهلى دبى وسندان الاتحاد البرازيلى وبين الواقع والخيال

كتب : إسماعيل حلمى

أظهر الإعلامى مهيب عبدالهادي عبر برنامجه برنامج ” اللعيب ” على قناة ام بي سي مصر حقيقة ما يعيشه بيزيرا وما يحاول أن يخفيه عن جماهير الزمالك وما يتمناه من أحلام خيالية وإمكانية حدوثها واقعية ولكن تلك الأحلام مرهونة بواقع يجب أن يتم تجاوزه باحترافية وأيضاً بما يكتبه القدر له .

ونعود لبيزيرا المتواجد منذ يومين في مصر، وكل الأحاديث التي تفيد ببيعه إلى نادى شباب اهلى دبي.

وازدادت التساؤلات عن ما هو الجديد فى الموضوع وما وصل إليه والجديد إيه؟ والصفقة معطلة ليه؟ والصفقة واقفة ومش بتتم ليه؟

ونجد الجديد دلوقتي إن نادي شباب أهلي دبي بعت استفسار للاتحاد البرازيلي: هل بيزيرا مقيد ولا لأ؟ ضمن الترشيحات ولا لأ وهل لعب مع المنتخب ولا لأ؟ علشان يتم قيد بيزيرا كمقيم في الإمارات، لأن عدد المحترفين خلص

وهو عايز يمشي علشان يتجنس ويلعب للإمارات بعد كده، ولكن شباب أهلي دبي عايز يضمن أن اللاعب بعيد عن البرازيل

فقام اهلى دبي بإرسال رسالة للاتحاد البرازيلي،د للاستفسار ولم ياتى الرد حتى الآن .

ونفس هذه القصه دي حصلت في الشارقة الإماراتي كان واخد لاعب من الإسماعيلي ومستني الرد برضه .. ومحدش رد وكانوا عايزين يتراجعوا في الصفقه قبل كده

لذلك خوان بيزيرا وشباب الأهلي دبي مستنيين رد الاتحاد البرازيلي، ولو مجاش الرد مفيش صفقة

وفى حالة وصول الرد، هايتم قيده.

وآخر هذا الانتظار حتى يوم 27 سبتمبر، وده قبل آخر يوم للقيد في الإمارات

وفى حالة عدم الرد بيزيرا هيكمل في الزمالك غصب عنه، ولو جه الرد هيبى مقيم ويتقيد في الإمارات ويلعب لهم بعد كده بقى

وأصبح نسبة استمراره أو رحيله عن الزمالك 50%-50%

و الجديد كمان في الموضوع بإن بيزيرا مرشح للانضمام لمنتخب البرازيل

وإن أنشيلوتي عامل قائمة كبيرة مطوله تضم أكثر من 60 لاعب حول العالم علشان يجدد المنتخب وفي كلام طالع أن بيزيرا عليه العين .. علشان كده شباب أهلي دبي عايز يضمن أن اللاعب لو جيه يقدروا يجنسوه ويلعب معاهم بعد كده .

 

About The Author