جهاد جريشة : لجنة الحكام ورئيسها 24 ساعة على السوشيال ميديا ومداخلات بالقنوات الفضائية نفس الأحداث القديمة بتتكرر

كتب : إسماعيل حلمى

عقب الحكم الدولي الكابتن جهاد جريشة عبر راديو ميجا اف ام بعد إعلان البيان الرسمى من الاتحاد المصرى لكرة القدم على خلفية أحداث واقعة الحكم الدولي محمد معروف والكابتن وائل جمعه خلال أحداث مباراة الأهلى وزد ضمن مواجهات الجولة الثانية بالدوري الممتاز المصرى .

بقوله بأن كل أعضاء لجنه الحكام ورئيس اللجنة 24 ساعة في الـ24 ساعة على السوشيال ميديا وعلى القنوات، ومداخلات وكلام، ونفس الأحداث القديمة بتتكرر تاني

واضاف بإن اللي زاد عليها كمان إن أكتر من 3 أو 4 من أعضاء اللجنة بيحللوا الدوري السعودي، وده مش موجود في أي لجنة في العالم

وقال أنا مش هقول غير إن الكلام ده مش موجود في أي لجنة في العالم، إن لجنة الحكام تتكلم في الإعلام 24 ساعة

مؤكدا بأن ده مش موجود في لجنة الحكام في الكاف، ولا لجنة الحكام فيفا، ولا أي لجنة في دول عربية جنبنا .

واضاف بإن مانويل نافارو ” رئيس لجنة الحكام في الاتحاد السعودي، مش هييجي يحلل الدوري المصري

ولكن عندك 3 أو 4 من لجنة حكام الاتحاد المصري بيحللوا الدوري السعودي، وده مش موجود في الدنيا كلها

و هو بنفس المعيار اللي أنت بتشوف بيه الموسم اللي فات وبتقول إنه كان الأسوأ، أنا بنفس المعايير هشوف الموسم اللي كان في وجودك وتسبب في دخول الأجانب لمصر إنه كان الأسوأ

وإحنا عندنا على فكرة الموسم اللي فات مش أحسن حاجة، لكنه مش كله سلبيات ولا كله إيجابيات، فيه إيجابيات وفيه سلبيات

و أي لجنة في العالم لما تمسك لجنة الحكام في الاتحاد المصري لكرة القدم، طبيعي يبقى عندها إيجابيات وعندها سلبيات

وعايز أقولك على حاجة: أنا بعت على الواتساب إمبارح حالة في الدوري السعودي لنادي الاتحاد، وطلع رئيس لجنة الحكام بصوته يحللها

وأنا أتمنى إنه يطلع يحلل حالات الدوري المصري بصوته، لأنه إمبارح نفس لعبة ركلة جزاء الأهلي في اللقاء الأول أمام الشرقية إنبي، حللها في الدوري السعودي وقال إنها التحام طبيعي ومفيهاش حاجة

وأنا مش ضد الأهلي ولا الزمالك ولا بيراميدز، أنا بتكلم في حالة نتقي ربنا فيها

و إحنا عايزين العدالة، ولازم يكون فيه شفافية

وموقف زي بتاع كريم حسن شحاتة مثلًا لازم شفافية، مينفعش يتعامل معاه ببيان

لو أنا موجود كرئيس لجنة الحكام، أوتوماتيك اللقطة التحكيمية مع تسجيل الصوت بتاع الحكم لازم يتعرضوا للناس

و مهما قلت، محدش هيصدقك، لكن الحقيقة بتيجي منين؟ بتيجي من إنك تعرض اللقطة التحكيمية ومعاها تسجيل الصوت اللي حصل

ولو فيه حوار حصل بين محمد معروف ووائل جمعة، يبقى تنزل الصوت بتاع الفار مع اللقطة

هو ده اللي الناس هتصدقه، وهو ده اللي يقفل كل الأبواب على أي حد يشكك في التحكيم المصري .

 

About The Author