مجلس إدارة الزمالك يفتح تحقيقاً في من هو السبب في ملف القضايا الخاصة بالفيفا والتعاقدات مع اللاعبين

كتب : محمد علي 

صرح الإعلامى كريم حسن شحاته فى برنامجه عبر قناة الحياة بأن مجلس إدارة نادي الزمالك قرر فتح التحقيق في ملف القضايا الخاصة بالفيفا، وإزاي وصلت الأمور للشكل ده، وبدأ بالفعل التحقيق

الزمالك عايز يحقق مع المسؤولين عن قطاع الكرة السابقين ” جون إدوارد، وكمان حمزة عبدالوهاب اللي كان ماسك منصب مدير شؤون اللاعبين في نادي الزمالك

التحقيق هدفه إنهم يشوفوا الأخطاء اللي حصلت في ملفات اللاعبين اللي مشيوا، والملفات اللي كانت موجودة خلال الفترة اللي فاتت، ويحاسبوا المسؤولين عنها

كابتن أحمد سليمان، عضو مجلس إدارة نادي الزمالك، كان تقدم بمذكرة عشان يتم فحص الـ18 قضية اللي تسببت في إيقاف القيد على الزمالك، ومعرفة إزاي القضايا دي وصلت للمرحلة دي

كان في مسؤولين سابقين وكمان اللي قبلهم كله هيتشاف معاهم الموضوع ده حصل إزاي

فيه كارثة في موضوع عمر فرج، اللاعب الفلسطيني، الزمالك دفع فيه فلوس كتير جدًا، ودفع لنادييه مبالغ كثيرة جدًا تقترب من حوالي 3 مليون دولار، والزمالك ما استفادش منه خالص، واللاعب ملعبش وطلع إعارة ورجع الزمالك

الزمالك دفع فلوس للاعب، مش عارف مليون و600 ولا مليون و500، ودفع كمان فلوس لناديه في السويد، يعني أرقام كبيرة جدًا وأخطاء فظيعة من المسؤولين عن الكرة في الزمالك في بعض الملفات

فهيتم التحقيق في الملفات دي، وبيتم التحقيق مع جون إدوارد وتم التحقيق مع حمزة عبدالوهاب، والموضوع خلاص اتحرك، والشؤون القانونية في نادي الزمالك فتحت التحقيق عشان تعرف أسباب القضايا والمشاكل اللي حصلت خلال الفترة اللي فاتت .

About The Author

ismail helmy

See author's posts