كتب: محمد محمود الزعيم
في قلب مدينة برج العرب الجديدة، افتتح الدكتور مصطفى مدبولي ، رئيس مجلس الوزراء، اليوم مصنع “چيد تكستايل” العملاق للملابس الجاهزة .. رسالة عملية إن مصر مش بس سوق، مصر مصنع كبير للعالم .
الرسائل من الافتتاح :
1. دولة بتشجع الصناعة بجد: مدبولي أكد إن الحكومة حاطة قطاع الغزل والنسيج على رأس أولوياتها . هدفنا واضح : تعميق التصنيع المحلي ، توطين الصناعات اللي مصر متفوقة فيها ، وزيادة الصادرات عشان اسم “Made in Egypt” يرجع ينافس بقوة .
2 . ثقة المستثمرين في أرض مصر : وزير الصناعة المهندس خالد هاشم قالها صريحة : تدفق الاستثمارات الضخمة في الملابس الجاهزة دليل إن المستثمر الأجنبي شايف مصر سوق واعد، وموقع استراتيجي ، وبوابة للعالم بفضل اتفاقياتنا التجارية .
3 . أرقام تتكلم عن نفسها : مصنع “چيد تكستايل” التابع لمجموعة “يشيم العالمية” التركية مش رقم صغير.
– استثمارات تقترب من نصف مليار جنيه.
– 15 ألف فرصة عمل في مصانع الشركة بمصر.. 6 آلاف منهم في مصنع الإسكندرية لوحده .
– صادرات متوقعة سنوياً من 250 لـ 500 مليون دولار. يعني عملة صعبة داخلة للاقتصاد الوطني .
الأهم من الأرقام .. الإنسان أولاً
المصنع على مساحة 60 ألف م2 بأحدث تكنولوجيا عالمية، لكن لفت نظري فلسفتهم: “الإنسان أولاً”.
حضانة تسع 300 طفل لأبناء العاملات، وختم المساواة بين الجنسين من المجلس القومي للمرأة، وبرامج تدريب حقيقية . يعني مش بس بنصدر ملابس.. بنصدر نموذج صناعة محترمة تحترم العامل .
مدبولي وهو بيسمع من العمال عن رضاهم ودخلهم وتطوير مهاراتهم.. كانت دي شهادة النجاح الحقيقية.
لأن المصنع اللي مش بيرضي اللي شغالين فيه.. عمره ما هينجح بره .
الخلاصة : مصنع چيد تكستايل مش مجرد افتتاح.. ده تأكيد إن مصر ماشية صح في طريقها لاستعادة ريادتها في صناعة الغزل والنسيج. صناعة بتشغل شباب ، وبتجيب دولا ر، وبتحط مصر على خريطة التصدير العالمية .
خطوة على الطريق .. وعقبال مصانع كتير تفتح أبوابها ويتفتح معاها بيوت المصريين
About The Author
المزيد من القصص
وزير الاستثمار يدعو شركات التأمين العالمية لزيادة استثماراتها بمصر.. ويعلن ملامح طرح “مصر لتأمينات الحياة” بالبورصة
وزير الري يتفقد المنظومة المائية بالشرقية ويوجه بتحرير محاضر فورية لملقي القمامة
خطوة نحو الأخضر.. مدبولي يوجه بحسم الملامح النهائية لمبادرة “الألواح الشمسية” للمنازل والمصانع